Parashat Ki'Tetze hi kumkhat sunga kisim jiy Parasha 54 lah'a Mitzvot tam napen Parasha ahi. Parashat Ki'Tetze bana Parashat Mishpatim hiya, chuleh athumna chu Parashat Kedoshim ahie. Hiche Parasha thum ho sung bang'a Mitzvot tamna Parasha dang aumpoi. Parashat Ki'Tetze sunga hin Mitzvot Ta'aseh leh Mitzvot lo Ta'aseh akigom in 77 aumin, Parashat Mishpatim sunga mitzvot 53, chuleh Parashat Kedoshim sunga um Mitzvot ahile 48 tahjen aphai.
Atile hiche Parasha thum hohi asung'a Mitzvot tam'a kibahna anei uh tilou thildang ajong epi kimatna anei uvam? HaRav Meir Eliyahu in tuchung e Parasha uh drasha apehna ah hiche Parasha thum ho Ki'Tetze, Mishpatim chuleh Kedoshim mangchan hilchetna naltah khat apei.
Parashat Ki'Tetze bulpatna pasuk ve tadiu te.
"כִּי תֵצֵא לַמִּלְחָמָה עַל אֹיְבֶיךָ "
"Na melma teu chung'a gaal bolding'a napot uva ahile.."
Mefarshim tamtah hon hitin hiche pasuk hi hitin eihil uve: "Gaal boding'a" kiti hi epi gaal bolding seina ham? Yetzer Hara chung'a gaal kibol kiseina ahi. Ajihchu Yetzer Hara hi Mihem ading'a melma lienpen leh tijaat umpen, aphatseh'a mithat ding'a kiging jieng'a um ah ahie.
Yetzer Hara hi eti kidoupi'a chuleh eti jo ding ham? Gemara'a kijih dan in Torah sim/jil kiti hi Yetzer Hara chung'a gaal kibol ahin, Torah pang lou'a mihem in Yetzer Hara chu ajo lou hiel ding ahi. Yetzer Hara jo nading'a chu aphatseh'a Torah'a kidii'a chuleh kisahboi angai'e.
Achung lang'a kisei HaRav Meir Eliyahu in Parasha thum -Ki Tetze, Mishpatim chuleh Kedoshim kimat dan mangcha'a hilchetna apeh chu hiti ahi: "Ki Tetze leMilkhamah" (Gaal bolding'a napot...) tichu Yetzer Hara chung'a gaal bolding'a napot tieng leh epi na manchah'a gaal nabol ding ham? "Eleh ha'Mishpatim.."(Hiche Daanthu ho...) tichu P-thien thupeh daanthu ho mangcha'a Yetzer Hara chu nadou ding, chutieng chule bou "Kedoshim Tihyu...." P-thien ading'a athieng kihi theibep ding ahi.
Atile epi jih achu Kadosh kiti lou'a Kedoshim kiti aham? Khakhamim ho seidan in Kedoshim kiti hin Yetzer Hara leh Yetzer HaTov ani'a ahuoptha ahi. Khakhamim hon asei uve: P-thien in adei chu epi ham etileh Yetzer Hara toh Yetzer HaTov teni anigel'a mangcha'a ama kin bol pachu ahi. Yetzer Hara chu aphalou ahivang'a P-thien houna'a/apha bolna ding'a ehei doh'a ahileh Yetzer HaTov bou mangcha'a P-thien kinbol sang in ahoijoi.
Yetzer Hara chu eti P-thien kinbol nading'a jah ding ham? Khakhamim hon asei uve: Mikhat chun thilphalou bolna ding'a athanopna chuleh aumchan phalou hochu lahen lang P-thien naa tohna leh thilpha bolna'n mancha hen. Mi Du'aam (greedy) tah ahileh adu'aam nachu Mitzvot tamtah boldoh nading in jang hen lang, Mi thangthiip (jealous) nanei mi ahileh athang thiip nachu Pinchas bang in athangthiip nachu P-thien ading in mangcha hen.
Yetzer Hara leh Yetzer HaTov mangcha'a P-thien kinbol kihil nathei khat chu Yakov Avinu ahi'e. Yakov Avinu chu ehet mabang uvin Lavan toh kum tamtah ana chengkhom'e. Lavan chu etobang mi ham eti leh miphalou, mijou naal, aphalou tincheng bol chuleh bohna tincheng'a kisabuoi mi anahie.
Lavan thilpha lou bolna ding'a akipeh doh dan leh atawm ngaidan chu hiti ahi- Phalbi dap laitah, buh hakheh laitah, jaankim nung kisan in athou jiy in a Yetzer Hara in angaichat thil phalou ho aga bol jiy'e. Yakov Avinu dapsa vaal'a puon nuoi'a emuthei lou'a um pachun Lavan thilpha lou bolna lang'a akipeh doh naleh atawm ngaidan ho amu tieng ama leh ama aki tielkhou jiy in. "Lavan bon jaan dap laitah'a thilphalou bolding'a atho'a tawmngai asuo theileh kei epi ding'a kahi ti ding ham. Keijong katho'a P-thien kin kabol ding ahi" ti'in Yakov Avinu jong athou jin jaan sot nung hihen daplheh jong leh Lavan Yetzer Hara leh ama Yetzer Hatov mangchan P-thien kin abol jiy in ahi.
Hiche chu ahi Kadosh kiti lou'a Kedoshim akiti lona jih tah chu. Thienthou na dihtah chu Yetzer Hara leh Yetzer HaTov ani'a P-thien houna'a manchah akuon'a huong kuondoh pachu ahi'e. Chuleh Yetzer Hara kiti chu kithunun sah lou ding, P-thien daan thupeh ho mangcha'a achung'a Gaal bolding, jo ding, ei thu thu'a nunsah'a P-thien houna leh thilpha bol na joh'a lehei ding ti ahi.
Shabbat Shalom lekulam
"Na melma teu chung'a gaal bolding'a napot uva ahile.."
Mefarshim tamtah hon hitin hiche pasuk hi hitin eihil uve: "Gaal boding'a" kiti hi epi gaal bolding seina ham? Yetzer Hara chung'a gaal kibol kiseina ahi. Ajihchu Yetzer Hara hi Mihem ading'a melma lienpen leh tijaat umpen, aphatseh'a mithat ding'a kiging jieng'a um ah ahie.
Yetzer Hara hi eti kidoupi'a chuleh eti jo ding ham? Gemara'a kijih dan in Torah sim/jil kiti hi Yetzer Hara chung'a gaal kibol ahin, Torah pang lou'a mihem in Yetzer Hara chu ajo lou hiel ding ahi. Yetzer Hara jo nading'a chu aphatseh'a Torah'a kidii'a chuleh kisahboi angai'e.
Achung lang'a kisei HaRav Meir Eliyahu in Parasha thum -Ki Tetze, Mishpatim chuleh Kedoshim kimat dan mangcha'a hilchetna apeh chu hiti ahi: "Ki Tetze leMilkhamah" (Gaal bolding'a napot...) tichu Yetzer Hara chung'a gaal bolding'a napot tieng leh epi na manchah'a gaal nabol ding ham? "Eleh ha'Mishpatim.."(Hiche Daanthu ho...) tichu P-thien thupeh daanthu ho mangcha'a Yetzer Hara chu nadou ding, chutieng chule bou "Kedoshim Tihyu...." P-thien ading'a athieng kihi theibep ding ahi.
Atile epi jih achu Kadosh kiti lou'a Kedoshim kiti aham? Khakhamim ho seidan in Kedoshim kiti hin Yetzer Hara leh Yetzer HaTov ani'a ahuoptha ahi. Khakhamim hon asei uve: P-thien in adei chu epi ham etileh Yetzer Hara toh Yetzer HaTov teni anigel'a mangcha'a ama kin bol pachu ahi. Yetzer Hara chu aphalou ahivang'a P-thien houna'a/apha bolna ding'a ehei doh'a ahileh Yetzer HaTov bou mangcha'a P-thien kinbol sang in ahoijoi.
Yetzer Hara chu eti P-thien kinbol nading'a jah ding ham? Khakhamim hon asei uve: Mikhat chun thilphalou bolna ding'a athanopna chuleh aumchan phalou hochu lahen lang P-thien naa tohna leh thilpha bolna'n mancha hen. Mi Du'aam (greedy) tah ahileh adu'aam nachu Mitzvot tamtah boldoh nading in jang hen lang, Mi thangthiip (jealous) nanei mi ahileh athang thiip nachu Pinchas bang in athangthiip nachu P-thien ading in mangcha hen.
Yetzer Hara leh Yetzer HaTov mangcha'a P-thien kinbol kihil nathei khat chu Yakov Avinu ahi'e. Yakov Avinu chu ehet mabang uvin Lavan toh kum tamtah ana chengkhom'e. Lavan chu etobang mi ham eti leh miphalou, mijou naal, aphalou tincheng bol chuleh bohna tincheng'a kisabuoi mi anahie.
Lavan thilpha lou bolna ding'a akipeh doh dan leh atawm ngaidan chu hiti ahi- Phalbi dap laitah, buh hakheh laitah, jaankim nung kisan in athou jiy in a Yetzer Hara in angaichat thil phalou ho aga bol jiy'e. Yakov Avinu dapsa vaal'a puon nuoi'a emuthei lou'a um pachun Lavan thilpha lou bolna lang'a akipeh doh naleh atawm ngaidan ho amu tieng ama leh ama aki tielkhou jiy in. "Lavan bon jaan dap laitah'a thilphalou bolding'a atho'a tawmngai asuo theileh kei epi ding'a kahi ti ding ham. Keijong katho'a P-thien kin kabol ding ahi" ti'in Yakov Avinu jong athou jin jaan sot nung hihen daplheh jong leh Lavan Yetzer Hara leh ama Yetzer Hatov mangchan P-thien kin abol jiy in ahi.
Hiche chu ahi Kadosh kiti lou'a Kedoshim akiti lona jih tah chu. Thienthou na dihtah chu Yetzer Hara leh Yetzer HaTov ani'a P-thien houna'a manchah akuon'a huong kuondoh pachu ahi'e. Chuleh Yetzer Hara kiti chu kithunun sah lou ding, P-thien daan thupeh ho mangcha'a achung'a Gaal bolding, jo ding, ei thu thu'a nunsah'a P-thien houna leh thilpha bol na joh'a lehei ding ti ahi.
Shabbat Shalom lekulam
