Epu Epa teu Egypt akuon ahung potdoh uva Canaan gam ahung lhun kah uchun Thumvei jen Mijat simna(census) ana um'e. Amasapen ding in Khet Ha'Egel jou chun ana kisim uvin, Anina ahile tuchung E Parasha uva kijih hi ahi'n, Athumna ahile Israel gam alut guot kuon uva (Parashat Pinkhas, Bamidbar 26, sung'a kijih) ana kisim uh chu ahi'e. Khakhamim ho seidan in Mijat kisimna (census) masapa le aninapa hi Lha Gup vel bou in akikah in, athumna pa ahilevang Epu Epa teuvin Egypt ahin dalhah jou uh Kum 40 lhinkum, Israel te'n Canaan gam alut guot kuon uva um ah ahi.
Mijat kisimna Ani napa le Athum napa hi Sefer Bamidbar sung'ah akijih in ahi. Hiche jih ahi Sefer Bamidbar hi Khumash Ha-P'kudim (Book of Numbers) tia jong kihe ahi'e.
Atile eiho le eiho kidong tadi leuhen, E atile P-thien in phat khatvei kuom kuom le Israel te mijat simding'a thupeh ahin peh jiy ahidem? Rashi'n hitin donbutna apei: P-thien in amite, Israel te angailut vaal jih'a aphatseh'a asim jiy ahi. Egypt ahin dalhah uvin asim in, Bongnou lim ahou jou uvin jong mi ejat dam uh hinam ti ahet nom jih in asim in, chule Mishkan kithiensuo jou'a P-thien Sechina amite lah'a ahung chen jou jong chun asim kit in ahi.
Ramban in jong hitin asei'e: Ivrit pao'a "Pakod" (Eipao'a "Sim") kiti hi "Geldoh" ahiloule "Gelkhoh" tina jong ahi'e. P-thien in ami Israel te Mijat asim jiy hin amite angailut na avetsah ahi.
Tuchung E Parasha uh bulpat nachu evetle hitin akipan'e:
"וַיְדַבֵּר יְהוָֹה אֶל משֶׁה בְּמִדְבַּר סִינַי בְּאֹהֶל מוֹעֵד"
"P-thien in Sinai neldigam'a kikhopna puonbuh ah Moshe ahin houpi'n....."(Bamidbar 1:1)
Khakhamim hon hitin asei uve: Mishkan Sinai neldigam (desert) a akitun chu Torah in achung'a Pasuk ahin sei hih jongle ehetsa uh hilou ham, E atile tuchung E Parasha uva hi BaMidbar Sinai (Sinai desert) tia Torah in asei khel khel ahidem? "P-thien in kikhopna puonbuh ah Moshe ahin houpi'n.." tile jong kichih jieng ah hilou aham. "Bamidbar sinai" kiti thucheng hi evet le avaal hile akilawm jojen in ahi.
Adonbutna chu Khakhamim hon hitin ape uve: Torah'a kijih thucheng jouse hi avetsah chule ajih aum suh kei in, avaal ahiloule avaat ti aumpoi. Tuchung Parasha'a "Bamidbar sinai" ti'a hung kisei jong hin eihil nuom uh um ahin, hichun Shavuot toh kimatna aneipeh in ahi.
Khakhamim hon asei uve: Midbar(desert) kiti chu gamgo keu, Thing, Hampaa, Louhing kelou nagam chule anei jong umlou ahi'e. Anuom nuom lut thei'a hitia chu mundang bang'a elut dile amun neipa/neinu kom'a phalna lahngai lou ahi.
Khakhamim hon asei uve: Midbar(desert) kiti chu gamgo keu, Thing, Hampaa, Louhing kelou nagam chule anei jong umlou ahi'e. Anuom nuom lut thei'a hitia chu mundang bang'a elut dile amun neipa/neinu kom'a phalna lahngai lou ahi.
Torah kiti chu achung'a Midbar kisei tobang chu ahi'e. Thildang bang'a mikhat in aga chuom nei ahipo'n, anuom chan in ajil thei ahi. Nang nahitin jilthei pon nate, ahiloule nang nakhutin Torah hi nang ading ahipoi tia koiman ajil nuom khatchu akhaam thei lou ahi'e. Torah hi mi khat le ni bep ading hilou'a mijouse ading'a kipe ahi.
Chule Torah jilna ding le hetthei nading achu "midbar" tobang bah ngai ahi. Midbar ahawmkeo, thing,hampa le louhing ho kelou bang'a mikhat chun Torah jil ing kate atile alunggel'a kiloupisah nale kithupisah naho jouse aumsah lou ding, Midbar bang'a "ahawmkeo" ema helou dan'a akigel ngai ahi. Kiletsah nale kiloupisah napum'a Torah jil kiti chu a'Torah jilman umlou ahi'e.
Khakhamim hon aseibe na'uva: Hiche hi ahi'e Shavuot hung lhun masang Shabbat'a Parashat Bamidbar kisim jiy hin eihil nuom uchu- Shavuot ahi epu epa teu vin Midbar Sinai achu Torah ana kisan uh ahin, hiche bang achu eiho jong Torah sang ding'a lawm/tuoh ehi nading uva ekineo sah ding uh ngai ahi. Parashat Bamidbar hung kisim hin hiche "Midbar" akuon'a kineosah ding poimo dan ehung hil uh ahi'e tin Khakhamim hon asei uve.
Mefarshim tamtah hon Parashat Bamidbar hilchetna apehna uva hitin asei uve: Parashat Bamidbar le Shavuot hin kibahna khat jong anei hon in ahi. Parashat Bamidbar'a Mijat akisim bang hin Shavuot hung lhun masang in jong Omer ni 49 Pesach ni Ni nii apat akisim in ahi. E Parasha uva Israel pasal kum 20 apat chunglam jouse, koimacha dalhah le haimil umlou hiel'a, simding ti thupeh aum bang in Omer jong ni 49 sungse nikho khat jieng cha jong haimil louhiel'a simding thupeh ahie. Mikhat chun nikho khat kasim le jong aphaset'e, ahiloule tekahna'a Omer 33 nihi Omer 20 ni sang in apoimo jo'n hiche nikho hi kisim hen tia agellou ding ahi. Nikho 49 hochu apoimojo sang umlou'a abon uva apoimo dan uh kibang suhkei ahi, chule hiche taobang achu P-thien mai'a jong mijouse, alien aneo, ahou avai, aching athiem, amimo ti khenchuom umlou'a apoimo dan kibang suhkei ah ahi.
Ha'Rav Chaim Yosef David Azulai, Ha'Chida tia jong kihe, in hitin asei'e: "Bamidbar Sinai" kiti thucheng chu Gematria in khuut lechun "Beshalom"(eipao'a "chamdel'in") ti thucheng toh ajat akibang in ahi.
Ha'Chida in asei'be na'ah: Epu epa teu Midbar Sinai'a Torah sang ding'a ana um uchun namkhat, lungsung khat in ana ding uvin ahi. Parashat Yitro'a (Shemot 19:2 ve'n) kisei bang in,"Vayikhan sham Israel..."(Israel chemun achun achuongden in...) Hiche'a pao kimang ("Vayikhannu" tilou'a "Vayikhan" joh) chu velechun Israel techu mi tamtah ahivang uva mikat bang'a kisei ahi uve. Hichun avetsah chu kibung khenna aumlou'a, mijouse kituh tah'a chamdel'a aum tieng lebou nampi chu Torah sangthei ding'a lhingjou le lawm hipan bep ahi.
Hichu ahi Shavuot hung lhun masang Shabbat'a Parashat Bamidbar hung kisim jiy in eihil nuom uchu.
Shabbat Shalom u'Khag sameakh lekulam
Chule Torah jilna ding le hetthei nading achu "midbar" tobang bah ngai ahi. Midbar ahawmkeo, thing,hampa le louhing ho kelou bang'a mikhat chun Torah jil ing kate atile alunggel'a kiloupisah nale kithupisah naho jouse aumsah lou ding, Midbar bang'a "ahawmkeo" ema helou dan'a akigel ngai ahi. Kiletsah nale kiloupisah napum'a Torah jil kiti chu a'Torah jilman umlou ahi'e.
Khakhamim hon aseibe na'uva: Hiche hi ahi'e Shavuot hung lhun masang Shabbat'a Parashat Bamidbar kisim jiy hin eihil nuom uchu- Shavuot ahi epu epa teu vin Midbar Sinai achu Torah ana kisan uh ahin, hiche bang achu eiho jong Torah sang ding'a lawm/tuoh ehi nading uva ekineo sah ding uh ngai ahi. Parashat Bamidbar hung kisim hin hiche "Midbar" akuon'a kineosah ding poimo dan ehung hil uh ahi'e tin Khakhamim hon asei uve.
Mefarshim tamtah hon Parashat Bamidbar hilchetna apehna uva hitin asei uve: Parashat Bamidbar le Shavuot hin kibahna khat jong anei hon in ahi. Parashat Bamidbar'a Mijat akisim bang hin Shavuot hung lhun masang in jong Omer ni 49 Pesach ni Ni nii apat akisim in ahi. E Parasha uva Israel pasal kum 20 apat chunglam jouse, koimacha dalhah le haimil umlou hiel'a, simding ti thupeh aum bang in Omer jong ni 49 sungse nikho khat jieng cha jong haimil louhiel'a simding thupeh ahie. Mikhat chun nikho khat kasim le jong aphaset'e, ahiloule tekahna'a Omer 33 nihi Omer 20 ni sang in apoimo jo'n hiche nikho hi kisim hen tia agellou ding ahi. Nikho 49 hochu apoimojo sang umlou'a abon uva apoimo dan uh kibang suhkei ahi, chule hiche taobang achu P-thien mai'a jong mijouse, alien aneo, ahou avai, aching athiem, amimo ti khenchuom umlou'a apoimo dan kibang suhkei ah ahi.
Ha'Rav Chaim Yosef David Azulai, Ha'Chida tia jong kihe, in hitin asei'e: "Bamidbar Sinai" kiti thucheng chu Gematria in khuut lechun "Beshalom"(eipao'a "chamdel'in") ti thucheng toh ajat akibang in ahi.
Ha'Chida in asei'be na'ah: Epu epa teu Midbar Sinai'a Torah sang ding'a ana um uchun namkhat, lungsung khat in ana ding uvin ahi. Parashat Yitro'a (Shemot 19:2 ve'n) kisei bang in,"Vayikhan sham Israel..."(Israel chemun achun achuongden in...) Hiche'a pao kimang ("Vayikhannu" tilou'a "Vayikhan" joh) chu velechun Israel techu mi tamtah ahivang uva mikat bang'a kisei ahi uve. Hichun avetsah chu kibung khenna aumlou'a, mijouse kituh tah'a chamdel'a aum tieng lebou nampi chu Torah sangthei ding'a lhingjou le lawm hipan bep ahi.
Hichu ahi Shavuot hung lhun masang Shabbat'a Parashat Bamidbar hung kisim jiy in eihil nuom uchu.
Shabbat Shalom u'Khag sameakh lekulam
