📝 DOHNA :
👉 Mikhat tou in Shabbat ni'n ann huon kha taleh ( ahilou jong leh nehthei khat pou pou sem taleh ), athilhuon chu neh phal ahina dem?
📝 DONBUTNA :
👉 Akoi jousen ihetsa ma bang uva Shabbat ni'a ann huon phal ahipoi. Hiche hi Shabbat ni'a kiphallou 39 Avot Malakhot ho lah'a khat ahi.
Ahileh mikhat tou in Shabbat ni'n ann/nehthei hin huon/sem taleh, a ann huon ahiloule anehthei sem chu nehphal ahidem?
Amasapen a het ding chu hitobang ann/nehthei Shabbat ni a kihuon/kisem a chu Shabbat ni ma'a neh ding phal ahipoi. Hinlah Motzei Shabbat tieng ( Shabbat kichai tieng kiseina) leh vang neh phal ahi e.
Hijieng jong leh hiche a hin hetkhen ding Halakha jat ni tah aum kit nalai e.
#1. Ann huon, ahiloule Nehthei sem pa/nu chun Shabbat ni'a thil huon kiti chu "Asur" ahi ahetlou ham ,ahilou leh hetkhel jeh a anabol khah a ahitah leh, a nehthei sem chu Motzei Shabbat tieng ama'n jong aneh thei ding, midang ho'n jong aneh thei diuva ahi.
#2. Nehthei sem, ahilou leh ann huon pa/nu chun henasa sa a Shabbat ni'a ann ahuon a, nehthei asem a ahitah leh vang athil sem chu itih hi jong leh ama ding'a neh ding phallou hi ah ahitai. Midang ho'n vang ahileh Motzei Shabbat tieng aneh thei diuva ahi e.
SOURCES :
שולחן ערוך אורח חיים הלכות שבת סימן שיח סעיף א'.
