Parashat Eikev

Parashat Eikev ahin P-thien thupeh, Mitzvot ho, e'suh bulhit ale P-thien in e'thilbol phat jieh'a damtheina leh nei leh gou'a ning lhinna ho'a eiphung vuh ding thu akisei'e. Parasha kipatna pasuk veleu hen:
"וְהָיָה עֵקֶב תִּשְׁמְעוּן אֵת הַמִּשְׁפָּטִים הָאֵלֶּה וּשְׁמַרְתֶּם וַעֲשִׂיתֶם אֹתָם "
"Chutiengle nang hon hiche daan thupeh ho nangai uleh nachin'uh chule nabol jih uva.." (Devarim 7:1)

Achung'a pasuk chu phatah'a evet'a ahile paocheng kimang chu adihlou hileh akilawm jojen in ahi. Torah in "Nangho'n thupeh najui uva ahile.." tile dihjo leh kilawm ahin, hinla "Thupehho nabol jih(עקב) uva.." atijoy. Epi jih ahidem?

 Chujongle hiche pasuk sung'a mundang'a kimang kha behlou thucheng "עקב (english pao'a "because/consequence")" hung kijah jong hi Mefarshim tamtah ho'n kidang asa'uvin, ahilchetna jong tampitah hiche thudol ahin ape uve. Hilchetna kipe ho lah'a ahoi dehset eti diu ham, tamlou, anuoi ahin veu hite.

Rashi'n hiche chung chang ahin hitin asei'e: "עקב" kiti chu khotaljum (heel) kiseina jong ahi. Chuleh mihem tahsa chung'a aniem pen chu e'khotaljum uh hi ahi'e. Khuti ahileh hiche pasuk'a "עקב" thucheng hung pan hin eihil huom uchu epi ham etileh P-thien thupeh, Mitzvot jouse alien aneo, apoimo apoimolou ti um louva abon'a chingthei tah'a nasuh bulhit'a chujongleh midang ho mitvet'a poimo lou leh miho'n nuoise tah'a agel uh Mitzvot "khotaljum'a achut" hou kisan jong thanom tah'a nabol'a ahileh hiche kipaman hohi nakisaan ding ahi.

Rabbeinu Bachayei in hitin ahilchien'e: Mitzvot ho phatah'a suh bulhit jih'a hiche leiset'a kipaman kimu ding ho chu ahung lhung ding Olam Haba'a  kimu ding hotoh akite'a ahileh khutaljum tahsa chung'a ading'a aniempen ahitobang'a "niem" leh simkhamlou tobang bep ahi.

Ramban in asei na'ah: "Khotaljum" tahsa chung'a ding'a aniem pen ahi'a, mihem alu apat ehin vetsuh leh khotaljum hi "achaina" ahibang'a Mitzvot boljih'a kipaman leh loman jong chu "achaina"-Mitzvot ho ebol chai tieng lebou kikisaan ding ahi.

Hiche jih achu tuchung E Parasha uh kipatna pasuk achu Torah in "Thupeh ho nabol uva hile" tilou'a "Thupeh ho nabol jih uva.." ati ahi. Khakhamim ho'n asei uve: "Tuni leh naa kitong ding, jing tieng aloman kikisan ding ahi"."Tuni" kiti chu hiche leiset kiseina ahin "jing" kiti chu ahung lhung ding Olam Haba kiseina ahi. Chuleh achung'a pasuk akuon ehetthei uchu epiham etileh Mitzvot bol jih bep'a loman kikisan ahipon, Mitzvot hochu ahiding doltah'a ebol chaikei tieng lebou kipaman chu kikisaan pan bep ahi. Kipaman dihtah chu hiche leiset'a kisaang hohi ahipo'n, ahung lhung ding Olam Haba'a kisaang ding ho kiseina ahi'e.

Atileh Mitzvot kiti chu ebol pat'a ahitah leh achai tokah bolding poimo dan eti hetthei ham?
Rashi'n tuchung E Parasha utoh kitoh in hilchetna naltah khat apei. Rashi'n Midrash pansan in hitin asei'e: Thilpha khat nabol pat'a ahitahle achai tokah bolding go'n. Ajihchu Mitzvah kiti chu apatna bolpa hilou'a achaina bolpa joh in minphatna akisaan jiytai. Torah sung'ah hitin akijih'e,"Egypt gama kuon Israel chate'n ahin pohdoh'u Yosef gubuh hochu Shechem mun'ah avui tau've"(Yehoshua 24:32). Egypt gama'a kuon'a Yosef thiluong hin pudoh achu Moshe ahin, hinla ama Israel gam alutthei tahlou'a chuleh athilbol chu achaigei abol tahlou jih in khonung'a Yosef thiluong Israel gam hin lhut'ah, Israel chate hojoh in minphatna chu akisaan tauvin ahi.

                                                      Shabbath Shalom Lekulam