📝 DOHNA :
👉 "Microgal" ( Microwave Oven ) khat bouseh inei a ahitah leh iti bol'a Khalavi le Basari a man kop thei ham?
📝 DONBUTNA :
👉 Microwave Oven hohi thil buoi um tah khat ahiuve. Aphapen chu ahithei chan a Sa le Bongnoi suhsat na ding Microwave Oven 2 - Khat khalavi chule khat Basari inei leh ahi e.
Hinlah iham ti'a khat bouseh inei tah a, Sa le Bongnoi a kisem ann le nehthei ho isuhsat nuom a ahitahleh hita hi bol ding ahi.
Amasapen a Microwave Oven chu asung phatecha suhthieng ding. Aban leh khon khat a twi toh "Khomer Nikui" ( tekahna a Ekonomika ) hal a, Microwave Oven sung'a koi ding. Hichu minute 10 tobang omsou ding ahi.
Hiti a chu ibol a, twi toh khomer nikui kihal chu ahungsou tieng, ol ol in hung phuol lha'n ti'n, Oven baang ho chu hin suthieng ta'n te.
Chujou tah chuleh avel a Oven sung phatecha suhthieng sel kit ding. Hiche ho jouse ichai tieng Microwave Oven chu jah pan thei ahitai.
Hijieng jong leh hilai a het ding'a poimo tah khat chu Sa jaona thil le Bongnoi panna nehthei ho suhlumna ding'a Oven khat bouseh ihin man tieng Oven a thil kisulum ding taphot chu phatecha tuom jing jieng ngai ding a ahitai ( vetsahna a Anbom ham a koi ding, chule asin phatecha sin ding). Chuti'a chu ibol lou kalse thil kisulum ho elna "Taste" pachu avel a Oven baang chun ahin choplut kit ding, Microwave Oven chu Kosher ibol man u umlou ding ah ahita'n ahi.
SOURCES :
ילקוט יוסף איסור והיתר כרך ב' ו-ג' עמוד קסז' סעיף כג'.
